Hin árlega skíðavika á ísafirði, skíðavikan 2019, hefst annað kvöld kl 21 með Kyndlagöngu á Seljalandsdal.
Mælst er til að þátttakendur mæti með höfuðljós og gengið verður saman upp á Eiríksmýri þar sem „við yljum okkur á heitu kakói og segjum sögur“ eins og segir í dagskránni.
Formleg setning verður svo á miðvikudaginn kl 17 á Silfurtorgi. Samfelld dagskrá verður síðan fram á páskadagskvöld þegar þá hefjast dansleikir sem munu standa fram á nótt. Sagt verður nánar frá dagskránni síðar.
