Ég, Jóhann Ólafson, er einn af heimavarnarliðinu. Heimavarnarliðið boðar til samstöðufundar við Gilsfjarðarbrúna þann 21. maí 2018 kl 15.00. Tilefni fundarins er að ítreka ályktun borgarafundar sem haldin var á Ísafirði síðastliðið haust. Þar sem lítið eða ekkert hefur gerst í málefnum Vestfjarða frá fundinum þrátt fyrir góð orð ráðherra sem sóttu fundinn. Tveir þeirra ráðherra sem þar voru eru enn í ríkisstjórn, þau eru Bjarni fjármálaráðherra og Þórdís Kolbrún atvinnuvega og nýsköpunarráðherra. Vegagerð um Teigsskóg er enn í frosti, þingmenn okkar eru að sprikla undir forustu Haraldar Skagamanns, þar er smá von. Fiskeldismál í Ísafjarðardjúpi, í frosti hjá Hafró undir umsjón Sigurðar fyrrum veiðimálastjóra. Alþingi Íslendinga samþykkti lög fyrir ca 15 árum að leifa laxeldi á Vestfjörðum, en stofnunin þráast við. Ragnheiður Elín fyrrum ráðherra sagði á sínum tíma að tengipunktur vegna raforku kæmi í Ísafjarðardjúp enn nokkrum ríkisstjórnum síðar hefur ekki verið upplýst um staðsetningu þessa tenkipunktar hvað þá undirbúningur eða framkvæmd línulagnar. Er einhver hissa á því að maður sé komin með það á tilfinninguna að embætismenn séu annað hvort búnir að gleyma okkur eða almennt illa við einhverja framþróun á Vestfjörðum?
Jóhann Ólafson Ísafirði.
