Á heimasíðu Ísafjarðarbæjar er sagt frá því að árið 2024 hafi safnast 14.379 kg af textíl í textílgáma bæjarisns eða um 1,2 tonn á mánuði. Það sem af er þessu ári hafa safnast 3.394 kg.
Síðan í byrjun árs 2024 eru sveitarfélög skyldug til að safna textíl.
Kostnaður við förgun á hverju kílói af textíl er 140 kr. sem gerir þá um 2.000.000 kr. á ári, en þá er ekki talin vinna starfsfólks við losun grenndargámanna.
Það gerist því miður ítrekað að textílgámarnir á Ísafirði eru sneisafullir á laugardegi, þrátt fyrir að hafa verið tæmdir á föstudegi. Í gámunum má oft finna fatnað sem ekki hefur verið tekinn úr umbúðunum og er því greinilega heill og ónotaður.
Það að heil og ónotuð föt skili sér í textílgámana bendir til þess að margir kaupi meira af fötum en þeir raunverulega þurfa.
Íbúar eru því hvattir til að staldra við áður en ný föt eru keypt:
