Líkan af bátnum Dux KE 38 smíðað af Grími Karlssyni.
Dux KE 38 var smíðaður í Svíþjóð árið 1943 úr eik. 54 brl. 180 ha. Skandia vél.
Báturinn hét Anglía ST 104 árið 1945. Eigandi var Verslunarfélagið Drangsnes, Drangnesi, Strandasýslu, frá 26. júlí 1945. Seldur 23. júní 1948 Hlutafélaginu Þirsti, Reykjavík, báturinn hét Þristur RE 300.
Seldur 11. júní 1952 Jóhanni Guðjónssyni, Keflavík, báturinn hét Dux KE 38. 1953 var sett í bátinn 240 ha. GM díesel vél. Báturinn brann og sökk út af Hvalsnesi 30. júní 1963. Áhöfnin, 6 menn, bjargaðist í gúmmíbjörgunarbát, síðan um borð í Ingólfi frá Sandgerði.
Heimild: Íslensk skip eftir Jón Björnsson. Iðunn 1990
Af vefsíðunni sarpur.is
