Hundar veikjast vegna nagstanga og varar Matvælastofnun við þeim. Um er að ræða Chrisco tyggerulle med kylling & kyllingelever frá Kína sem Lífland flytur inn. Vart hefur orðið eituráhrifa hjá hundum eftir neyslu. Fyrirtækið hefur innkallað vöruna í samráði við Matvælastofnun.

Matvælastofnun fékk upplýsingar um vöruna í gegnum RASFF hraðviðvörunarkerfi Evrópu um hættulega matvæli og fóður á markaði.

Innköllunin á við eftirfarandi framleiðslulotur:

• Vörumerki: Chrisco
• Vöruheiti: Chrisco Tyggerulle med kylling & kyllingelever
• Best fyrir: 01.12.2025 og 15.03.2026
• Nettómagn: 95 g
• Geymsluskilyrði: Þurrvara
• Framleiðandi: Chrisco
• Framleiðsluland: Kína
• Heiti og heimilisfang fyrirtækis sem innkallar vöru: Lífland, Brúarvogur 1-3 104 Reykjavík