Alls bárust á land á Bíldudal til slátrunar hjá Arnarlaxi tæplega 11.700 tonn af eldislaxi á síðasta ári samkvæmt upplýsingum frá Elfari Steini Karlssyni hafnarstjóra Vesturbyggðar.
Útflutningsverðmæti eldisfisksins er miðað við meðalverð yfir árið um 12 milljarðar króna.
Í laxasláturhúsi Arctic Fish í Bolungavík var slátrað um 13 þúsund tonnum af eldislaxi á síðasta ári og áætlað útflutningsverðmæti var um 13 milljarðar króna.
Samtals voru útflutningsverðmæti eldislax frá Vestfjörðum á síðasta ári um 25 milljarðar króna.
Mikil afföll á árinu 2023 vegna lúsaálags drógu verulega úr framleiðslunni á síðasta ári. Búist er við töluverðri aukningu á framleiðslunni á þessu ári.
