Púkinn, barnamenningarhátíð á Vestfjörðum, verður haldin dagana 31. mars til 11. apríl.
Í desember var opnað fyrir umsóknir um verkefnastyrki og var hægt að sækja um til 23. janúar.
22 spennandi umsóknir bárust og sinnir úthlutunarnefnd nú því vandasama verki að ákvarða styrkveitingar. Von er á niðurstöðum hennar í næstu viku.
Undirbúningur er kominn á fullt skrið og vonumst við til að hátíðin verði sem ánægjulegust fyrir börn um alla Vestfirði.
Breytingar eru að eiga sér stað á verkefnisstjórn Púkans en Vilborg Pétursdóttir tekur við stjórnartaumunum af Skúla Gautasyni sem verður þó áfram í vinnuhóp Púkans auk Önnu Sigríðar Ólafsdóttur.
