Samkvæmt heimildum Bæjarins besta verður Sigríður Júlía Brynleifsdóttir, forseti bæjarstjórnar næsti bæjarstjóri Ísafjarðarbæjar og tekur við af Örnu Láru Jónsdóttur sem hefur verið kjörin til setu á Alþingi. Verður þetta formlega tilkynnt síðar í dag.
Viðbót kl 11:54:
Ráðning Sigríðar Júlíu verður tekin fyrir á bæjarstjórnarfundi næstkomandi fimmtudag og mun hún hefja störf 7. janúar 2025.
„Vestfjörðum og Ísafjarðabæ hefur gengið vel síðustu árin. Við höfum náð tökum á fjármálum bæjarins og sjáum fram á áframhaldandi uppbyggingu. Það kom okkur ekki á óvart að kjósendur vildu Örnu á þing og úr því að svo fór er gott að hafa Siggu sem getur stokkið til með skömmum fyrirvara og klárað kjörtímabil Í-listans. Hún er vel inni í öllum málum og frábær samstarfsfélagi,“ segir Gylfi Ólafsson, oddviti Í-listans.
