Vestfirðir sluppu ekki við áhrifin af rafmagnsleysinu í dag sem varð vegna einhvers sem kom upp á hjá Norðuráli. Vesturlína fékk ekki rafmagn til þess að flytja vestur en SteinunnÞorsteinsdóttir, upplýsingafulltrúi Landsnets segir að varaaflið fyrir vestan hafi strax tekið við. Olíuframleitt rafmagn tók því við nema á sunnanverðum Vestfjörðum en það svæði nýtur nálægðarinnar við Mjólkárvirkjun sem var í fullum rekstri.
