Kosið var til stjórnar og varastjórnar Fjórðungssambands Vestfirðinga til næstu tveggja ára á Fjórðungsþingi sem haldið var á Laugarhóli í Bjarnarfirði um helgina.
Gylfi Ólafsson, Ísafjarðarbæ, var kjörinn nýr formaður, en Jóhanna Ösp Einarsdóttir sem hefur verið formaður undanfarin fjögur ár, lætur af störfum.
Ný í stjórn eru einnig Hildur Aradóttir, Kaldrananeshreppi og Tryggvi Bjarnason, Vesturbyggð. Fyrir voru í stjórn Magnús Ingi Jónsson, Bolungavík og Dagný Finnbjörnsdóttir, Ísafirði og voru þau kosin áfram. Sem nýr varamaður kemur inn Freyja Ragnarsdóttir Pedersen, Vesturbyggð.
