Alls var landað 956 tonnum af fiski í Ísafjarðarhöfn í síðasta mánuði.
Páll Pálsson ÍS landaði sex sinnum samtals 436 tonnum. Frystitogarinn Júlíus Geirmundsson ÍS landaði einu sinni og var með 322 tonn af afurðum.
Eyfirsku togaranir tveir Áskell ÞH og Vörður ÞH voru á veiðum fyrir Vestfjörðum og lönduðu tvisvar hvor, Vörður ÞH var með 99 tonn og Áskell ÞH 94 tonn.
Loks landaði Jóhanna ÁR frá Þorlákshöfn einu sinni sæbjúgum og var með 4,6 tonn.
