Um helgina fór fram í fyrsta sinn á Hólmavík hátíðin sameinumst á Ströndum. Ragnheiður ingimundardóttir, var ein þeirra sem stóð að hátíðinni og var hún ánægð með hvernig til tókst. Hún var m.a. með kjötsúpuveitingar, ein af mörgum, og sagðist hafa eldað 60 – 70 lítra og allt hafi farið ofan í gesti sem gæddu sér á veitingunum. Hún sagði að boðið hefði verið upp á súpu á sjö stöðum á Hólmavík.
Ragnheiður sagði að fólk hafi verið ánægt með dagskrána og aðsókn hafi verið ágæt. Nefndi hún m.a. framlag Mugison, sem hélt tónleika í Hólmavíkurkirkju og messu í Tröllatungu sem sr. Magnús Erlingsson, prófastur og Sigríður Óladóttir sóknarprestur sáu um og höfðu sér til halds og trausts heimakonuna Elísu Mjöll Sigurðardóttur.
![](https://www.bb.is/wp-content/uploads/2024/08/Ragnheidur_kjorsupa-768x1024.jpg)
Ragnheiður Ingimundardóttir hefur kjötsúpuna til.
![](https://www.bb.is/wp-content/uploads/2024/08/Holmavik_ninni_24-1024x768.jpg)
Þórður Sverrisson var einnig í kjörsúpuveitingum.
![](https://www.bb.is/wp-content/uploads/2024/08/Holmavik_Sameinunst_24_galdrasafn-1024x768.jpg)
Leikir og skemmtun voru við Galdrasafnið.
![](https://www.bb.is/wp-content/uploads/2024/08/Holmavik_sameinunst_24-1024x768.jpg)
Gotterí við Galdrasafnið.
![](https://www.bb.is/wp-content/uploads/2024/08/Holmavik_sameinumst_24-1024x768.jpg)
Brekkusöngur og útiskemmtun í Kirkjuhvammi.
![](https://www.bb.is/wp-content/uploads/2024/08/Trollatunga_ThorgPals_24_b-1024x768.jpg)
Þorgeir Pálsson, sveitarstjóri og Ragnheiður Ingimundardóttir í Tröllatungu.