Mimi Eiden skoraði tvö mörk þegar Vestri sigraði Álftanes í 2. deild kvenna á laugardaginn.
Þetta var fyrsti sigur Vestra í sumar en liðið er nú í 10. sæti með 5 stig eftir 10 leiki.
Vestrakonur tóku forustuna á 7 mínútu með marki Mimi og stóðu leikar 1-0 í hálfleik.
Á 60 mínútu jafnaði Ásthildur Lilja Atladóttir fyrir Álftanes en Mimi bjargaði deginum þegar hún skoraði úr víti á 86 mínútu.
Næsti leikur Vestra er á móti Dalvík/Reynir og fer fram á Dalvíkurvelli næstkomandi sunnudag.
