![Dagrenning_IMG_1708](https://www.bb.is/wp-content/uploads/2024/05/Dagrenning_IMG_1708-696x928.jpg)
Björgunarsveitin Dagrenning á Hólmavík var boðuð út í dag kl 12:30 eftir að ferðafólk sem var á göngu inn með Þiðriksvallavatni, inn af Hólmavík, óskaði eftir aðstoð. Fólkið var á göngu inn eftir vatninu þar sem landið hallaði niður að klettabrún ofan vatns. Öðru þeirra hafði skrikað fótur í lausum jarðvegi og fallið á grúfu, þar sem stutt var fram á klettabrún og milli 10 og 15 metra fall niður klettana.
Það laust var undir þeim að þau treystu sér ekki til að hreyfa sig úr stað án aðstoðar.
Björgunarsveitin fór á staðinn með fjallabjörgunarbúnað, settu upp tryggingar fyrir línu og fetaði björgunarmaður sig í línu niður til þeirra.
Björgunarlykkju var komið á konuna, sem lá á grúfu með örlitla handfestu og hafði hún smá fótfestu, annars rynni hún af stað.
Þau voru tekin upp í línu á öruggan stað og fengu svo far með lögreglu að bíl þeirra. Þeim varð ekki meint af, en ljóst er þarna stóð tæpt að illa færi segir í tilkynningu frá Landsbjörgu.