Sveitarstjórn Strandabyggðar samþykkti í síðustu viku áskorun til umhverfis- og samgöngunefndar Alþingis um úrbætur í samgöngum í sveitarfélaginu.
Bendir sveitarstjórn á að á gildistími tveggja síðustu samgönguáætlanna hafa svo til engar nýframkvæmdir í vegamálum verið í Strandabyggð. Sú eina framkvæmd sem þó var á samgönguáætlun hafi ítrekað verið frestað við gerð nýrrar áætlunar. Slíkt er með öllu óviðunandi.
Sveitarstjórn Strandabyggðar leggur áherslu á að einbreiðum brúm á Ströndum verði fækkað markvisst á næstu árum. Einnig er þess krafist að áfram verið haldið með almennar vegabætur á Ströndum.
Vakin er athygli á ástandi Innstrandarvegar nr 68 frá Steingrímsfirði inn i Hrútafjörð. Vegurinn er um 100 km langur og er malarslitlag á 39 km þar af. Á veginum séu 13 einbreiðar brýr. Margar þeirra eru sérstaklega varasamar vegna nálægðar við aðra hættu, svo sem erfiðar beygjur eða blindhæðir.
Óskir um forgangsröðun framkvæmda
Sveitarstjórn Strandabyggðar vill forgangsraða framkvæmdum í sveitarfélaginu með
eftirfarandi hætti:
- Einbreið brú yfir Hrófá í Steingrímsfirði og vegabætur á blindhæð við brúnna.
Einbreiða brúin yfir Hrófá er orðin mjög léleg. Í Árnesinu að sunnanverðu við brúna
er blindhæð um 100 m frá brúarenda. Þar hafa orðið mörg umferðaróhöpp og árið
2019 varð banaslys á þessum stað. Brýnt er að laga þennan kafla og endurnýja
brúnna sbr. Skýrslu rannsóknarnefndar samgönguslysa
https://www.rnsa.is/media/4769/2019- 097u013-innstrandavegur-vid-hrofa.pdf - Vegrið vantar á nokkra kafla þar sem slys hafa orðið. Þetta á við um kafla á
Vestfjarðarvegi nr. 60 t.d. við Stórgrýtisbug sunnan Hólmavíkur og við Hrófberg í
botni Steingrímsfjarðar. Einnig þarf að setja vegrið í Kollafirði norðanverðum á
Innstrandavegi nr. 68 þar sem mjög bratt er niður af vegi og er skólaakstursleið. - Einbreið brú yfir Langadalsá í Ísafjarðardjúpi Þarna hafa orðið mörg umferðaróhöpp.
Sveigja á veginum beggja vegna brúarinnar takmarkar vegsýn þegar komið er að
brúnni. - Einbreið brú yfir Selá á Langadalsströnd. Brúin er orðin mjög léleg og þolir ekki
þungaflutninga lengur. Brúin er mikilvæg vegna byggðar og einnig er hún á vegi að
mikilvægum ferðamannastöðum á Snæfjallaströnd og Langadalsströnd t.d.
Kaldalón.
