Síðastliðinn föstudag komu Kristján Andri Guðjónsson og Marinó Arnórsson frá Kiwanisklúbbnum Básum færandi hendi og afhentu 1.bekkingum í Grunnskólanum á Ísafirði reiðhjólahjálma að gjöf.
Markmið hjálmaverkefnis Kiwanis er að stuðla að öryggi barna í umferðinni og nýtast hjálmarnir vel við notkun reiðhjóla, hlaupahjóla, hjólabretta og hjólaskauta.
Það voru glaðir krakkar sem fóru heim með hjálmana sína og vonandi muna foreldrar eftir því að merkja þá vel.
