Í síðasta mánuði varð það óhapp í Reykjanesi í Ísafjarðardjúpi að bifreið skemmdi bensíndælur og hafa þær verið ónothæfar síðan.
Fyrir vikið er langt í næstu bensíndælu og hefur þetta valdið vandræðum bæði fyrir umferð og nágrenni.
Í svörum frá N1 við fyrirspurn Bæjarins besta segir að viðgerðir séu að fara að hefjast, þar sem varahlutirnir voru að koma til landsins. Vonast er til þess að viðgerðirnar gangi hratt fyrir sig.
