Leikfélag Hólmavíkur heldur uppteknum hætti að setja árlega upp eina sýningu og þetta árið var það verkið Öfugu megin uppí eftir Derek Benfield sem varð fyrir valinu.
Leikritið segir frá Fríðu sem tekur að sér að gæta sveitahótels systur sinnar á meðan hún bregður sér í frí.
Það á ekki fyrir henni að liggja að eiga náðuga daga, því gestirnir eru af ýmsu tagi.
Þeir eiga þó sameiginlegt að vera í ævintýraleit og ætla aldeilis að gera sér glaðan dag og eiga góðar stundir.
Lokasýning er í Sauðfjársetrinu á morgun 18 apríl kl. 20:00
