20.01 – 17.02 2024
Listasafn Ísafjarðar býður gesti velkomna á opnun sýningarinnar BIRTING. Opnun verður 20. janúar nk. kl. 14.00 í sal Listasafns Ísafjarðar á annarri hæð í Safnahúsinu Eyrartúni.
Brátt klifrar sólin yfir fjallsbrúnir og verkin á sýningunni birtast okkur í nýju ljósi. Sum rísa úr dimmri geymslu, önnur koma frá stofnum innan bæjarins og eitt verkanna fær nýjan stað í sama húsi. Verkið Pönnukökuveislan eftir Karolínu Lárusdóttur skapar tilhlökkun með sólarkaffið handan við hornið og því tilvalið að njóta sýningarinnar með hækkandi sól.
Birting er fyrsta sýning ársins 2024 hjá Listasafni Ísafjarðar og verða sett upp verk úr safneign, verkin eru ólík sín á milli en eiga það sameiginlegt að höfundar þeirra eru konur. Þetta eru þær Guðbjörg Lind, Karolína Lárusdóttir, Jean Larson, Nína Gautadóttir, Nína Tryggvadóttir, Ragnheiður Jónsdóttir og Sara J. Vilbergsdóttir.
Aðgangur ókeypis
Listasafn Ísafjarðar nýtur stuðnings Ísafjarðarbæjar
Nærmynd úr verki Karolínu Lárusdóttur Pönnukökuveislan.
