Elmar Atli Garðarson frá knattspyrnudeild Vestra var í dag valinn íþróttamaður ársins í Ísafjarðarbæ í athöfn sem íþrótta- og tómstundanefnd stóð fyrir. Elmar Atli er fyrirliði knattspyrnuliðs Vestra sem vann sér sæti í efstu deild í knattspyrnu með eftirminnilegri frammistöðu síðastliðið sumar.
Veittur var verðlaunagripur, styrkur frá Ísafjarðarbæ og peningaverðlaun frá Arctic Fish.
![](https://www.bb.is/wp-content/uploads/2024/01/Isafj_24_itrottam-1024x768.jpg)
Veitingasalurinn Lognið á Hótel Ísafirði var þéttsetinn íþróttafólki og aðstandendum.
Myndir: Kristinn H. Gunnarsson.