Hafnarstjórn Ísafjarðarbæjar leggur til við bæjarstjórn að gjaldskrá hafnarinnar hækki um 6% , þó að undanskildum þeim liðum sem fylgja launaþróun, þar verði hækkunin 8%.
Lagt er til að taka upp í gjaldskrá afbókunargjald fyrir skemmtiferðaskip, rafmagnstenglagjald fyrir 250 A og gjöld fyrir uppsetningu og leigu á landgangi.
Fellt verður út gjald fyrir geymsluport á Suðurtanga sem lagt hefur verið niður og leigugjald fyrir kranalykil sem hefur verið ónotað um árabil.
Gjaldskrártillagan hefur ekki verið birt en ofangreindar upplýsingar koma fram í fundargerð hafnarstjórnar.