Á vefsíðu Arnarlax hefur fyrirtækið í dag birt yfirlýsingu vegna frétta um aðgerðir við aflúsun:
Eins og fram hefur komið í fjölmiðlum hefur verið talsvert magn af laxalús á Vestfjörðum undanfarið. Það hefur leitt til þess að fyrirtækið hefur þurft að bregðast skjótt við með því að aflúsa fiskinn. Arnarlax er í fyrsta sinn í sögu fiskeldis á Íslandi að notast við aflúsun án lyfja eða svokallaða Optilicer tækni. Brunnbátur frá Noregi sem ber nafnið Ronja Strand er 85m langur og getur tekið 3.600 rúmmetra sér um þessa aflúsun og mun koma til með að vera í Arnarfirði næstu 7 daga.
Blíðviðrið undanfarið hefur verið okkur hagstætt og bindum við vonir við góðan árangur við þessa aðferð sem notast hefur verið við í Noregi um nokkurt skeið. Þessi optilicer-aðferð hefur sannreynt sig í að ná stjórn á lúsaástandinu og tryggja velferð fisksins. Allar þessar meðferðir eru samþykktar af fisksjúkdómanefnd og framkvæmdar samkvæmt því.
Auk þess að aflúsa fiskinn ákvað Arnarlax að slátra fisk í síðustu viku (var nýttur í dýrafóður) til að tryggja gott líffræðilegt ástand á fisknum sem er að fara inn í veturinn.
Félagið er með næstu ársfjórðungs kynningu 9. nóvember næst komandi þar sem frekari upplýsingar verða veittar.
