Ráðstefnan Arctic circle, Hringborð norðursins hófst í gær og stendur fram á laugardagskvöld. Þar verða yfir 200 málstofur með um 700 ræðumönnum.
Í gær kynnti Guðmundur Fertram Sigurjónsson, stofnandi og forstjóri, Kerecis ásamt Kristian Villumsen forstjóra, Coloplast A/S, hina sögulegu sölu á fyrsta sjávarlíftækni einhyrning Norðurslóða, Kerecis, viðskipti upp á um 180 milljarða króna á ísfirsku fyrirtæki.
Á laugardaginn, á lokakvöldi þingsins munu fimm vestfirsk fyrirtæki – Hraðfrystihúsið Gunnvör, Háafell, Arctic Fish, Klofningur og Kerecis – bjóða öllum þátttakendum til kvöldfagnaðar með sérstöku Ísafjarðar þema á Norðurbryggju Hörpu, þar sem Mugison og Helgi Björns munu leika fyrir gesti fram eftir kvöldi.
