Teitur Björn Einarsson, alþm. hefur lagt fram á Alþingi skriflega fyrirspurn til innviðaráðherra um Súðavíkurhlíð.
Spurt er :
1. Hve oft hefur verið ófært milli Ísafjarðar og Súðavíkur (og þar af leiðandi milli Ísafjarðar og Reykjavíkur) á ári sökum tafa eða lokana á Súðavíkurhlíð síðastliðin tíu ár?
2. Hvað hefur Vegagerðin og eftir atvikum hlutaðeigandi sveitarfélög, Ísafjarðarbær og Súðavíkurhreppur, ráðstafað miklum fjármunum í viðhald, viðbætur og mokstur á veginum við Súðavíkurhlíð til að halda honum ökufærum á síðastliðnum tíu árum?
Óskað er skriflegra svara og er þeirra að vænta innan tveggja vikna.
