Sunnudaginn 3. september verður kveðjumessa í Hólskirkju kl 14. Sr. Ásta Ingibjörg Pétursdóttir predikar og þjónar fyrir altari. Ásta þjónaði sem sóknarprestur í Bolungarvík í rúm 10 ár. Að aflokinni guðsþjónustu er kirkjugestum boðið í messukaffi í Safnaðarheimilinu. Athöfninni verður jafnframt varpað í safnaðarheimilið.
Starfandi prestum þjóðkirkjunnar fækkaði um einn á norðanverðum Vestfjörðum um síðustu áramót. Ásta Ingibjörg Pétursdóttir, sóknarprestur í Bolungavík fluttist til innan Þjóðkirkjunnar og tók við nýju starfi prests í Laugardalnum í Reykjavík. Ásta tók við af sr Agnesi Sigurðardóttur þegar hún varð biskup.
Fjölnir Ásbjörnsson þjónustar Bolungavík og Hildur Inga Rúnarsdóttir tók við Súðavík. Öllum sóknum á norðanverðum Vestfjörðum hefur verið steypt saman í eitt prestakall, Ísafjarðarprestakall, og eru allir prestar þjónandi við það. Eftir breytinguna verða þrír prestar í prestakallinu í stað fjögurra áður. Sr Fjölnir hefur starfsstöð í Bolungavík er þar með skrifstofu.