MERKIR ÍSLENDINGAR – EINAR ODDUR KRISTJÁNSSON
Einar Oddur Kristjánsson fæddist á Flateyri þann 26. desember 1942.
Foreldrar hans voru hjónin Kristján Ebenezersson skipstjóri, f. 1897, d. 1947, og María Jóhannsdóttir, stöðvarstjóri Pósts og síma á Flateyri, f. 1907, d. 2003.
Einar Oddur stundaði nám í Héraðsskólanum á Núpi í Dýrafirði og í Menntaskólanum á Akureyri. Á skólaárunum var Einar Oddur til sjós á togaranum Guðmundi Júní en vann einnig við fiskvinnslu í landi. Einar Oddur var skrifstofumaður á Flateyri á árunum 1961-1965 og póstafgreiðslumaður þar á árunum 1965-1968.
Frá árinu 1968 starfaði Einar Oddur við sjávarútveg, fyrst sem einn af stofnendum og framkvæmdastjóri hlutafélagsins Fiskiðjunnar Hjálms. Hann var síðar stjórnarformaður hlutafélaganna Hjálms, Vestfirsks skelfisks og Kambs.
Einar Oddur sat í hreppsnefnd Flateyrarhrepps 1970-1982, var formaður Sjálfstæðisfélags Önundarfjarðar 1968-1979, formaður fulltrúaráðs Sjálfstæðisflokksins í Vestur-Ísafjarðarsýslu 1979-1990 og formaður kjördæmisráðs Sjálfstæðisflokksins á Vestfjörðum 1990-1992.
Einar Oddur sat í stjórn Vinnuveitendafélags Vestfjarða frá árinu 1974. Hann var í aðalstjórn Sölumiðstöðvar hraðfrystihúsanna 1989-1994, stjórnarformaður Vélbátaútgerðarfélags Ísfirðinga frá árinu 1984 og sat í stjórn Samtaka fiskvinnslustöðva 1981-1996. Hann var formaður efnahagsnefndar ríkisstjórnarinnar 1988. Formaður Vinnuveitendasambands Íslands var hann 1989-1992 og sat í stjórn atvinnuleysistryggingasjóðs 1995.
Einar Oddur var alþingismaður fyrir Sjálfstæðisflokkinn frá 1995 til dánardags. Á Alþingi átti hann sæti í mörgum nefndum en lengst og mest starfaði hann í fjárlaganefnd, var varaformaður hennar 1999-2007 og jafnframt aðaltalsmaður síns flokks í ríkisfjármálum.
Þann 7. október 1971 kvæntist Einar Oddur Sigrúnu Gerðu Gísladóttur hjúkrunarfræðingi, f. 20. nóvember 1943 – d. 22. maí 2018.
Börn Einars Odds og Sigrúnar Gerðu eru:
Brynhildur, Kristján Torfi og Teitur Björn.
Einar Oddur Kristjánsson lést þann 14. júlí 2007
Orlofssamningarnir gerðir á Flateyri vorið 1981.F.v.: Björn Ingi Bjarnason, formaður Verkalýðsfélagsins Skjaldar,Ægir E. Hafberg, sparisjóðsstjóri Sparisjóðs Önundarfjarðarog Einar Oddur Kristjánsson, framkvæmdastjóri Hjálms h.f.Þessir samningar urðu fyrirmynd orlofssamninga um land allt og eru í farsælli framkvæmd enn í dag.
Þjóðarsáttarsamningarnir 1990.
F.v.: Ásmundur Stefánsson, forseti Alþýðusambands Íslands,Haukur Halldórsson, formaður Bændasamtaka Íslandsog Einar Oddur Kristjánsson, formaður Vinnuveitendasambands Íslands.
Skógræktarfrömuðir á Vestfjörðum.
F.v.: Sæmundur Þorvaldsson og Einar Oddur Kristjánsson.
Kvöldsólarstund að Sólbakka við Önundarfjörð.
F.v.:Sturla Böðvarsson, Gróa Guðmunda Haraldsdóttir og Einar Oddur Kristjánsson.
Skráð af Menningar-Bakki.
