![arvaki_teljari](https://www.bb.is/wp-content/uploads/2019/06/arvaki_teljari.png)
Sigurður Marinó Þorvaldsson umsjónarmaður í Langadalsá og Hvannadalsá í Ísafjarðardjúpi segir að laxveiðin hafi ekki verið góð það sem af er sumri þar sem er alveg skelfilega lítið vatn er í ánum. Hins vegar segir hann svoldið af fiski hafa gengið og jafnvel meira en í fyrra, „það er stór torfa við þjóðvegabrú og þar fyrir neðan, það hafa verið að ganga fiskar í gegnum teljarann en hann er samt kominn rúmlega hálfur upp úr“ vegna vatnsleysis.
„Fiskarnir nenna varla að stökkva það vantar svo mikið súrefni í vatnið í svona aðstæðum, breytist ekkert á meðan ekki rignir“ segir Sigurður.
Fyrsti laxinn í Hvannadalsá veiddist í gær og fimm laxar hafa veiðst í Langadalsá. Enginn hnúðlax hefur sést ennþá en tveir veiddust í fyrra.