Vegurinn upp á Bolafjall var loksins opnaður í gær, en staðið hefur á leyfi frá Landhelgisgæslunni. Utanríkisráðherrar Norðurlandanna, sem nú eru á fundi á Ísafirði gripu tækifærið og fóru í gærkvöldi og skoðuðu útsýnispallinn. Jón Páll Hreinsson, bæjarstjóri í Bolungavík sagði að vegurinn væri í toppstandi og að veðrið þessa dagana væri til þess að upplifa kvöldsólina og horfa yfir Djúpið.
