Samkvæmt upplýsingum Póstsins hafa nú verið sett upp póstbox á fjórum stöðum á Vestfjörðum það er á Patrekfirði, Tálknafirði , Bíldudal og Ísafirði.
Á heimasíðu Póstsins er greint frá því að auðvelt sé að sækja og senda pakka í póstboxi.
Hægt er að sækja í póstbox, þegar pakki er sendur í póstbox fá viðskiptavinir SMS, tölvupóst eða tilkynningu í appi með QR kóða og Pin númeri:
- Þú ferð að póstboxinu sem tilgreint er í tilkynningunni
- Þú skannar QR kóðann í lesaranum eða slærð inn símanúmer og PIN númer
- Póstboxið opnast og þú tekur pakkann þinn
- Þú lokar póstboxinu aftur
Leiðbeiningar hvernig hægt sé að senda með póstboxi:
Ferlið við að senda pakka er einfalt og þægilegt – í fjórum skrefum:
- Innskráðu þig á Mínar síður á posturinn.is eða í appinu
- Færðu inn kortanúmer og skráðu pakkann
- Farðu með pakkann í næsta póstbox þar sem þú prentar út merkingar/límmiða*
- Settu pakkann í boxið og hann fer sína leið
Ítarlegar upplýsingar um póstboxin er að finna á heimasíðu póstsins.
