Lögreglan á Vestfjörðum framkvæmdi húsleit á Tálknafirði í gær og stöðvaði kannabisræktun sem þar fór fram.
Þetta kemur fram í tilkynningu frá lögreglunni á Vestfjörðum og þar er sagt að búnaður og uppskera ræktunar hafi verið haldlögð.
Einn var handtekinn en honum var sleppt úr haldi að lokinni yfirheyrslu.
Rannsókn málsins er á frumstigi og ekki tímabært að tilgreina umfang efna og máls að svo stöddu segir í tilkynningunni .