Í gær kom til Þingeyrar nýr fóðurprammi sem er fimmti pramminn í eigu Arctic Fish og fékk hann nafnið Nónhorn. Pramminn er mikil smíði, búinn nýjustu tækni og er sennilega einn flottasti fóðurprammi í heimi að sögn Daníels Jakobssonar. Hann tekur rúmlega 600 tonn af fóðri í 8 síló. Nónhorn er búinn rafhlöðum sem ljósavélar hlaða og dregur úr notkun dísels um 60-70% og þar með kolefnislosun. Pramminn var dreginn hingað frá Gdynja í Póllandi þar sem hann var smíðaður af Scale. Eftir standsetningu í höfninni á Þingeyri fer hann á nýjustu eldisstaðsetningu Arctic Fish við Hvestu í Arnarfirði þar sem eldisbændur eru að ala um 1 milljón laxa á 4000 tonna leyfi fyrirtækisins. Líklegt er að verðið á fullbúnum prammanum sé á fimmta hundrað milljóna króna.
![](https://www.bb.is/wp-content/uploads/2022/09/AF_prammi_0922-768x1024.jpg)
![](https://www.bb.is/wp-content/uploads/2022/09/AF_prammi_0922_c-768x1024.jpg)
Myndir: Arctic Fish.