Þorgeir Pálsson, fyrrv. sveitarstjóri í Strandabyggð og oddviti Strandabandalagsins T-lista fyrir komandi sveitarstjórnarkosningar er meðal umsækjenda um embætti skrifstofustjóra sveitarfélaga og byggðamála í Innviðaráðuneytinu. Telja verður ólíklegt að hann geti sinnt starfi sveitarstjórnarmanns í Strandabyggð samhliða embættinu.
Þá sækir einnig um starfið Rebekka Hilmarsdóttir, bæjarstjóri í Vesturbyggð. Meðal annarra umsækjenda eru Einar Örn Thorlacius, lögfræðingur fyrrverandi sveitarstjóri í Reykhólahreppi, Ágúst Kristinn Björnsson, framkvæmdastjóri og fyrrverandi sveitarstjóri í Súðavík og Þröstur Óskarsson, sérfræðingur og fyrrverandi forstjóri Heilbrigðisstofnunar Vestfjarða.
Alls sóttu 21 um starfið samkvæmt upplýsingum frá Innviðaráðuneytinu.
Þeir eru:
Aðalsteinn Eyþór Þorsteinsson, forstjóri
Anna Gunnhildur Ólafsdóttir, sérfræðingur
Ágúst Kristinn Björnsson, framkvæmdastjóri
Baldur Pétursson, verkefnastjóri
Baldur Þórir Guðmundsson, sérfræðingur
Einar Örn Thorlacius, lögfræðingur
Eva Björk Harðardóttir, fv. oddviti
Friðrik Ólafsson, verkfræðingur
Guðbjörg Jóhannsdóttir, viðskiptafræðingur
Guðni Geir Einarsson, skrifstofustjóri
Gunnlaugur Sighvatsson, ráðgjafi
Gunnlaugur Sverrisson, skrifstofustjóri
Harpa Ólafsdóttir, skrifstofustjóri
Hrönn Ingólfsdóttir, viðskiptafræðingur
Huld Magnúsdóttir, framkvæmdastjóri
Rebekka Hilmarsdóttir, bæjarstjóri
Sigríður Björk Gunnarsdóttir, rekstrarstjóri
Silja Dögg Gunnarsdóttir, viðskiptafræðingur
Svanhildur Jónsdóttir, verkfræðingur
Þorgeir Pálsson, fv. sveitarstjóri
Þröstur Óskarsson, sérfræðingur