Félagar í Skotíþróttafélagi Ísafjarðarbæjar tóku þátt í tveimur mótum um síðustu helgi og var árangurinn mjög góður.
Á laugardag ver tekið þátt í móti í Kópavogi, svokölluðu STI móti. Í liðakeppni urðu bæði kvennaliðið og karlaliðið í 1. sæti. Í karlaliðinu voru Valur Richter, Guðmundur Valdimarsson og Ívar Már Valsson en kvennaliðið skipuðu Guðrún Hafberg, Karen Rós Valsdóttir og Margrét Linda Alfreðsdóttir.
![](https://www.bb.is/wp-content/uploads/2022/03/skotis-4-1024x768.jpg)
![](https://www.bb.is/wp-content/uploads/2022/03/skotis-2-1024x770.jpg)
Þá urðu bæði Guðmundur Valdimarsson og Guðrún Hafberg í öðru sæti í einstaklingskeppni en í þrístöðu sem er mjög erfið skotgrein með rifflum lenti Guðrún Hafberg í öðru sæti í kvennaflokki og Valur Richter í þriðja sæti í karla flokki.
![](https://www.bb.is/wp-content/uploads/2022/03/skotis-1-1024x768.jpg)
Á sunnudag var STI mót hjá Skotfélagi Reykjavíkur í Egilshöll þar sem flestir keppendur bættu árangur sinn.