Öll viljum við hafa eitthvað að maula til dæmis yfir Áramótaskaupinu. Þessi uppskrift er frá Örnu í Bolungavík og er frábær sem snarl yfir áramótin eða hvenær sem er. Ég prufaði þessa fyrr á árinu og fannst hún alveg frábær.
Uppskriftin og myndir eru frá Lindu Ben
Hráefni sem þú þarft:
Kryddostur með hvítlauk frá Örnu Mjólkurvörum
250 ml rjómi frá Örnu Mjólkurvörum
2 stk Baguette
1 dós niðursoðinn aspas (u.þ.b. 400 g)
200 g skinka
1 stk sveppateningur
Salt og pipar
U.þ.b. 150 g rifinn mozzarella frá Örnu Mjólkurvörum
Aðferð:
1.Kveikið á ofninum og stillið á 200°C, undir og yfir hita.
2.Rífið kryddostinn niður í pott og hellið rjómanum út á, bræðið ostinn á vægum hita.
3.Skerið skinkuna niður í bita og stappið aspasinn létt með gaffli, blandið því saman við ostablönduna.
4.Skerið toppinn af baguettunum og skiptið fyllingunni á milli, setjið rifinn mozzarella yfir og bakið inn í ofni í u.þ.b. 20 mín eða þar til osturinn er byrjaður að brúnast.
Verði ykkur að góðu og gleðilegt nýtt ár og takk fyrir það gamla.
Halla Lúthersdóttir
