Bæjarráð Bolungaíkurkaupstaðar telur ekki tímabært að svo komnu máli að hefja viðræður um sameiningu sveitarfélaga samkvæmt tillögu sveitarstjórnar Tálknafjarðarhrepps. En hún leggur til að átta sveitarfélög á Vestfjörðum, þ.e. öll nema Ísafjarðarbær, hefji óformlegar viðræður um sameiningu þeirra.
Í bókun bæjarráðsins segir að það telji engu að síður mikilvægt að sveitarfélög á Vestfjörðum haldi áfram að vinna saman að sameiginlegum hagsmunamálum og þeim verkefnum sem þegar eru til staðar í samvinnu eins og Vestfjarðastofa, Byggðarsamlag um málefni fatlaða og samvinna í málefnum fiskeldis svo fátt eitt sé nefnt.
“ Gott samstarf er gríðarlega mikilvægt fyrir framgang sveitarfélaga á Vestfjörðum og lýsir bæjarráð Bolungarvíkur yfir vilja til að halda slíku samstarfi áfram af auknum krafti.“