Togarinn Drangey SK frá Sauðárkróki liggur við viðlegukant í Sundahöfn og er lokaður af. Ástæðan er sú að grunur kom upp um covidsmit um borð og sigldi togarinn til Ísafjarðar og kom til hafnar í gærkvöldi.
Sýni voru tekin af áhöfninni og er nú beðið eftir niðurstöðum greiningar á sýnunum. Á meðan er togarinn lokaður af og enginn fær að fara frá borði eða um borð.
uppfært kl 18:40.
Drangey SK er farin úr höfn og virðist því ekki hafa verið smit um borð.