Mikið var um að vera í Unaðsdal á Snæfjallaströnd síðasta sunnudag. Þá var efnt til árlegrar messu og að þessu sinni var eitt fermingarbarn.
Sr Magnús Erlingsson sóknarprestur á Ísafirði og prófastur þjónaði fyrir altari. Um þrjátíu manns sóttu messuna.
Fermdur var Ulrik Edvard Gaborson, búsettur í Noregi, barnabarn Elínar Kjartansdóttur og barnabarnabarn Kjartans Helgasonar og Stefáníu Ingólfsdóttur, sem voru síðustu ábúendur í Unaðsdal. Þau brugðu búi 1994. Síðast var fermt í Unaðsdal árið 2003.
Einas og sjá má af myndum var einstakt góðviðri og veglegar veitingar í veislunum tveimur, kirkjukaffinu og svo fermingarveislunni, sem voru í bænum í Unaðsdal.
![](https://www.bb.is/wp-content/uploads/2021/07/Unaddalur_ferming_b.jpg)
![](https://www.bb.is/wp-content/uploads/2021/07/Unadsdalur_kirkjukaffi-1024x1024.jpg)
![](https://www.bb.is/wp-content/uploads/2021/07/Unadsdalur_fermingarkaffi_21-1024x1024.jpg)