Erlendu skemmtiferðaskipin eru loks farin að koma til Ísafjarðar. Ocean Diamond kom á sunnudaginn. Það er 124 metra langt og tekur 189 farþega. Í áhöfn eru 144 manns.
Í gær kom svo Viking Sky öðru sinni. Það er mun stærra, 228 metra langt og tekur 930 farþega auk 550 manna áhafnar.
Bæði skipin lögðust að kanti í Sundahöfn.
Mikil umsvif fylgja skipunum og voru t.d. rútur á ferð og flugi með farþega um norðanverða Vestfirði.
