Mér finnst lax alveg einstaklega góður nánast hvernig sem er en þessi uppskrift er í einstöku uppáhaldi. Fann hana fyrir einhverjum árum á netinu. Og þar sem ég vil endilega versla í heimabyggð þá mæli ég með laxi frá Fisherman á Suðureyri.
Hunangsgljáður lax með geggjuðu meðlæti
4 hvítlauksrif, marin
1/4 bolli sojasósa
1/3 bolli hunang
Nýmalaður pipar
900 g lax (eða hvaða fiskur sem þú vilt)
450 g rósakál, skorið til helminga eða í fjóra bita
Ferskar jurtir eins og basilika, oregano eða graslaukur til að skreyta
Aðferð:
- Hitið ofninn í 220°C. Setjið bökunarpappír á bökunarplötu.
- Takið fram litla skál og pískið hvítlauk, sojasósu og hunang.
- Leggið laxinn fyrir miðju á bökunarplötunni.
- Setjið rósakálið (skorið í bita) í skál og hellið helmingnum af hunangsblöndunni yfir. Penslið síðan restinni af blöndunni yfir laxinn og piprið. Og ef eitthvað er eftir af blöndunni getur þú penslað aftur yfir laxinn eftir að hann bakast.
- Ristið laxinn og rósakálið í ofni í 15 mín þar til laxinn fer auðveldlega í sundur með gaffli og rósakálið er byrjað að fá á sig karamellugljáa.
- Skerið laxinn í bita og berið fram með rósakáli, ferskum kryddjurtum og sítrónubátum.
Halla Lúthersdóttir.
