Sonja Dröfn Helgadóttir sem á síðasta skólaári leysti af sem skólastjóri á Þingeyri hefur nú flutt sig um set á Vestfjörðum og er nú nýr leikskólastjóri Hólabæjar á Reykhólum. Samkvæmt frétt á vef Reykhólahrepps hefur Sonja langa kennslureynslu en hún var kennari á Skagaströnd og á Akureyri. Sonja lauk kennaranámi frá Háskólanum á Akureyri árið 2001 og síðan þá hefur hún bætt við sig mastersprófi í leikskólakennarafræðum með áherslu á lestrarfræði og sérkennslu.
bryndis@bb.is
