Hólmavíkurkirkja stendur á Brennuhól í miðju þorpinu á Hólmavík við Steingrímsfjörð á Ströndum.
Hún var vígð á uppstigningardag árið 1968 af Sigurbirni Einarssyni biskup. Kirkjan hafði þá verið rúman áratug í byggingu, en prestsetur hafði verið á Hólmavík frá því um miðja 20. öld.
Kirkjan er byggð eftir teikningu Gunnars Ólafssonar arkitekts og er hún rúmir 200 fermetrar að stærð, steinsteypt með háu valmaþaki.
