Ríkisstjórnin bregst við þeim aðstæðum sem uppi eru núna í þjóðfélaginu og ræðst nú í sérstakt tímabundið fjárfestingaátak til að vinna gegn samdrætti í hagkerfinu í kjölfar heimsfaraldurs.
Þar eru 15.000 m. kr fjárheimild til átaksins verði skipt á einstök fjárfestingaverkefni um allt land. Þetta miðast við verkefni sem eru tilbúin til framkvæmda og miðað er við að hefist fyrir 1. september á þessu ári .
Þarna er verið að horfa til verkefna um endurbætur fasteigna, nýbyggingar, samgöngumannvirki, orkuskiptaverkefni og rannsóknir og nýsköpun. Auk þess eru verkefni í starfrænt Ísland og upplýsingatækniverkefni. Þessi verkefni eru til viðbótar við þau verkefni sem eru annars á dagskrá og halda sínu striki.
Verkefni á Vestfjörðum
Í þessum fjárfestingatillögum sem ráðast á í er að finna ýmis verkefni á Vestfjörðum og m.a:
- Malbikun bílastæðis við flugvöllinn á Ísafirði
- Landfylling á Bíldudal
- Vegaframkvæmdir vegna tengivega. Fjárveiting dreifist um allt land í hlutfalli við þá tengivegi sem eftir eru á hverju svæði með malarslitlagi.
- Ýmsar aðgerðir í viðhaldi á vegum
- Dýpkun í Súðavíkurhöfn
- Bjarnadalsá í Önundarfirði og Botnsá í Tálknafirði undir verkefninu að breikka einbreiðar brýr á vegakerfinu
- Ísland ljóstengt, aukið átak. Markmiðið er að nær öll heimili og fyrirtæki í dreifbýli hafi aðgang að ljósleiðaratengingu.
- Í samræmi við stjórnarsáttmála er stefn að átaki í fráveitumálum í samtarfi við sveitarfélögin.
- Aukið átak til bindingar kolefnis með skórækt og landgræðslu.
- Átaksverkefni í menningu og listum með styrkveitingum til menningar- og listverkefninum.
- Flýta framkvæmdum við ofanflóðavarnir á yfirstandandi ári eins og á Patreksfirði.
- Óveðurstengd verkefni hjá Vegagerðinni
- Upplýsingagátt vega , upplýsingakerfi um veður og sjólag.
Í undirbúningi er stærra fjárfestingaátak sem ætlunin er að taki til áranna 2021-2023. Það eru mörg verkefni og það eru verkefni sem þarfnast meiri undirbúnings heldur en að hægt sé að hrinda þeim í framkvæmd á þessu ári.
Halla Signý Kristjánsdóttir
Þingmaður Framsóknarflokkins.
