Hinn árlegi Körfuboltadagur Vestra fer fram í dag kl. 17:30 til 19:00 í íþróttahúsinu á Torfnesi. Allir áhugasamir krakkar og foreldrar eru hvattir til að mæta og taka þátt í skemmtilegum körfuboltaleikjum og þrautum sem þjálfarar deildarinnar og leikmenn meistaraflokks karla stýra. Í lokinn verður boðið upp á grillaðar pylsur og drykki.
Dagurinn markar upphaf vetrarstarfs yngri flokka deildarinnar en æfingar hófust einmitt mánudaginn 3. september. Boðið verður upp á skipulagðar æfingar undir stjórn valinna þjálfara fyrir börn og unglinga frá leikskólaaldri upp í 10. bekk grunnskóla.
bryndis@bb.is
