Svipmyndir

Látið vita

Látið vita af mannfagnaði
eða sendið inn myndir

 Lesendur BB-vefjarins eru hvattir til að láta vita af myndvænum fagnaði af hvaða tagi sem er, svo sem afmælisveislum, árshátíðum og brúðkaupum, gæsagildum og steggjastandi, lautarferðum, götugleði og þorrablótum. Þá er ekki að vita nema ljósmyndari komi og taki myndasyrpu til birtingar hér á vefnum.

Einnig er gott og þakkarvert að fá sendar myndasyrpur frá slíkum viðburðum en þá verða myndirnar að vera mjög góðar og skýrar. Hafið samband varðandi stafrænar myndir, stærð þeirra og sendingu, þannig að tryggt sé að hægt verði að nota þær. Helst verða líka að fylgja nöfn þeirra sem eru á myndunum og vitneskja um samþykki þeirra fyrir birtingu.

Það má fólk líka vita, að þegar ljósmyndari Bæjarins besta er við störf í mannfagnaði, þá má allt eins búast við birtingu. Ef vera kynni að einhver vildi ekki að mynd af honum birtist, þá nefnir hann það að sjálfsögðu. Hins vegar er fátítt að fólk á góðri og glaðri stund vilji ekki láta taka eða birta af sér mynd!

Sendið ábendingar um myndverðan mannfagnað í netpósti til Bæjarins besta eða hringið í síma 456 4560.


Hlíðarvegspúkapartýið 2005

Hlíðarvegspúkar komu saman í byrjun ágúst og skemmtu sér og sínum. Þetta er í sjöunda skipti sem núverandi og fyrrverandi íbúar við þessa götu koma saman og rifja upp gamla tíma. Eins og áður var reist samkomutjald á leikskólalóðinni ofan Hlíðarvegar. Þar var grillað og síðan tóku við skemmtiatriði. Meðfylgjandi myndir ...
Meira

Skógarbrennan í Tunguskógi

Fjölmenni sótti brennu íbúa í Tunguskógi á laugardagskvöld. Brennan hefur um árabil verið fastur liður í skóginum og er hún jafnan haldin um verslunarmannahelgi. Að vanda voru hljóðfæraleikarar í hópnum og var sungið fram eftir kvöldi svo undir tók í kvöldkyrrðinni í Tungudalnum. Fólk kom víða að til þess að vera ...
Meira

Kjötsúpuferð á Hesteyri

Árleg kjötsúpuferð var farinn til Hesteyrar í Jökulfjörðum á laugardag. Á annað hundrað manns snæddu kjötsúpu og fóru sumir upp í sex diska. Margt stórmenna sótti Hesteyri heim um helgina, þeirra á meðal óperusöngvarar, leikarar og rithöfundar. Meðfylgjandi myndir tók ljósmyndari bb.is í ferðinni. ...
Meira

Tryggvi Guðmundsson sextugur

Tryggvi Guðmundsson, lögfræðingur og löggildur fasteignasali á Ísafirði og formaður Golfklúbbs Ísafjarðar, varð sextugur í lok júlí og hélt af því tilefni veislu í golfskálanum í Tungudal. Fjöldi ættingja, vina og velunnara fögnuðu þessum tímamótum með Tryggva. Meðfylgjandi myndir tók Þorsteinn J. Tómasson í veislunni. ...
Meira

Sæluhelgi á Suðureyri

Hin árlega sæluhelgi á Suðureyri var haldin um aðra helgi í júlí og þótti takast vel þrátt fyrir að veður hafi ekki verið með besta móti. Að vanda var mikið um skemmtanir af ýmsu tagi. Hátíðin hófst á fimmtudag með frumsýningu leikfélagsins Hallvarðar Súganda á Ronju ræningjadóttur og tónleikum hljómsveitarinnar Apollo. ...
Meira

Grafík í Hnífsdal

Hljómsveitin Grafík spilaði á balli í félagsheimilinu í Hnífsdal laugardagskvöldið 23. júlí í fyrsta sinn frá árinu 1987. Óhætt er að fullyrða að miklar væntingar hafi verið bundnar við þetta sögulega ball og voru þær uppfylltar og gott betur. Áður en yfir lauk var húsið orðið stappfullt og hljómsveitin tryllti ...
Meira

Lokahóf Stóra púkamótsins 2005

Til viðbótar við stífa knattspyrnuiðkun var slegið á létta strengi á Stóra púkamótinu sem haldið var á Ísafirði dagana 22. og 23. júlí. Á föstudagskvöldið var boðið til grillveislu í Tungudal og á laugardagskvöld var efnt til lokahófs í Stjórnsýsluhúsinu. Þar voru m.a. knattspyrnukempur heiðraðar fyrir framlag þeirra til íþróttarinnar á ...
Meira

Stóra púkamótið 2005

Stóra púkamótið í knattspyrnu var sett við hátíðlega athöfn á gervigrasvellinum á Torfnesi á föstudag, 22. júlí. Mótið er ætlað öllum þeim sem á einhvern hátt hafa komið að störfum fyrir knattspyrnuíþróttina á Ísafirði og eru allir jafngildir hvort sem þeir hafa verið leikmenn, þjálfarar, stjórnarmenn eða dómarar, svo einhver störf ...
Meira

Sparisjóðsmótið í knattspyrnu

Rúmlega 200 keppendur tóku þátt í Sparisjóðsmóti yngri flokka í knattspyrnu sem haldið var í Bolungarvík laugardaginn 23. júlí. Þátttakendur komu frá flestum þéttbýlisstöðum á Vestfjörðum auk keppenda frá Blönduósi og Kópavogi. Keppt var í sjö manna liðum, ýmist kynjaskiptum eða blönduðum, auk þess sem foreldrarnir fengu að spreyta sig. Veður ...
Meira

Dýrafjarðardagar

Sumarhátíðin Dýrafjarðardagar var haldin fyrir skömmu og heppnaðist vel að sögn aðstandenda. Birna Lárusdóttir forseti bæjarstjórnar Ísafjarðarbæjar setti hátíðina í garðinum Skrúði á Núpi í Dýrafirði á föstudag. Að setningu lokinni minntist séra Guðrún Edda Gunnarsdóttir komu séra Sigtryggs Guðlaugssonar að Núpi fyrir 100 árum. Þá var komið að tónleikum með ...
Meira

Markaðsdagurinn í Bolungarvík

Hinn árlegi markaðsdagur var haldinn í Bolungarvík á dögunum. Dagskráin hefur orðið viðameiri með hverju árinu og nú teygði hún sig yfir helgina alla. Á föstudagskvöld var risagrill í gryfjunni við Hreggnasa þar sem systurnar Soffía og Pálína Vagnsdætur leiddu fjöldasöng við varðeld. Töluverður fjöldi fólks safnaðist þar saman og skemmti ...
Meira

Saltfiskveisla í Neðstakaupstað

Fyrsta saltfiskveisla sumarsins var haldin í Tjöruhúsinu í Neðstakaupstað á Ísafirði á dögunum og tókst að sögn skipuleggjenda með eindæmum vel. „Að öðrum saltfiskveislum ólöstuðum held ég bara að þessi hafi verið sú best heppnaða hingað til“, segir Jón Sigurpálsson safnvörður á Byggðasafni Vestfjarða og einn helsti skipuleggjandi veislunnar. Saltfisksveit Villa ...
Meira


Byggir á LiSA vefumsjónarkerfi frá Eskli